منتدى الباشان


تحية طيبة زائرنا الكريم:



يسعدنا تواجدك في منتدى الباشان - سويداء القلب.
و يسرنا تسجيلك للدخول و المشاركة في التعليق إن كنت عضوا مسجلا.
و إن كنت زائرا , ندعوك مسرورين للاشتراك معنا...

منتدى الباشان , ساحة للحوار و تبادل الآراء ..فمرحبا بك...

إدارة منتدى الباشان - سويداء القلب


ثقافي اجتماعي

*** الاخوة الأعضاء اجابة على تساؤلات بعض الاعضاء نحن مستمرون هنا في الباشان الى حين اكتمال تسجيل بقية الاعضاء في الموقع الجديد "سويداء الوطن"... علما بان تفعيل تسجيل المشتركين في سويداء الوطن سيتم من دون رسائل تفعيل من الادارة يرجى المحافظة على اسمائكم التي تداولتم بها هنا وهذا رجاء وليس الزامي وانما للمحافظة على مواضيعكم شكرا ***
للمرة الأولى وبخطوة فريدة من نوعها يسرنا أن نعلن لكم عن اندماج منتدى " الباشان " و منتدى "هنا السويداء " تحت اسم " ســــــــــويداء الوطــــــــــن " وعن افتتاح المرحلة التجريبية لموقعكم الجديد فعلى السادة الأعضاء إعادة التسجيل بالموقع الجديد وكلنا أمل أن يكون التسجيل بالأسماء الصريحة سويداء الوطن قلب الوطن ونافذة جديدة لخدمة سوريا العظيمة www.swaidaplus.com

المواضيع الأخيرة

» عناق حرف وانسكاب حبر
السبت يناير 15, 2011 3:04 am من طرف غسان أبوراس

» هكذا فصولكِ الاربعه
الجمعة ديسمبر 31, 2010 1:22 pm من طرف عاشقة الورد

» كل الشكر للوموي
الأربعاء يوليو 28, 2010 4:06 pm من طرف الوموي

» اتمنى ان اتعرف عليكم
الثلاثاء يوليو 27, 2010 7:01 pm من طرف وسيم ابوكرم

» عاطف دنون الحمدلله على السلامه
الثلاثاء يوليو 27, 2010 6:32 pm من طرف وسيم ابوكرم

» كلمة شكر
الأحد يوليو 11, 2010 1:11 am من طرف ابوعمر

» ايها المغتربون استمتعو حيث انتم
الأربعاء يوليو 07, 2010 7:55 pm من طرف ابو يوسف

» خربشات إمرأة...ا
الخميس يوليو 01, 2010 1:31 am من طرف غسان أبوراس

» سويداء الوطن ... يرى النور
الثلاثاء يونيو 29, 2010 12:01 pm من طرف سيسو

» اعتذار عن خلل فني
السبت يونيو 12, 2010 7:32 pm من طرف الوموي

» هل نستطيع سلق بيضه بالموبايل
الثلاثاء يونيو 01, 2010 11:34 am من طرف الوموي

» صور لا تراها إلاّ في مصر
الثلاثاء يونيو 01, 2010 11:21 am من طرف الوموي

» نطرح للنقاش : ماذا تفعل عندما تشتاق لاشخاص لم يعد لهم وجود في حياتك
الإثنين مايو 31, 2010 9:43 am من طرف عماد أبو لطيف

» عذرا انه حلم
الإثنين مايو 31, 2010 9:30 am من طرف عماد أبو لطيف

» عذب الكلام
الخميس مايو 27, 2010 7:33 am من طرف عنب الجبل

» عمل تخريبي في أحد الأراضي المزروعة تفاح في بقعاثا
الأربعاء مايو 26, 2010 10:44 pm من طرف عفاف

» اخراج ... ابو عجاج
الأربعاء مايو 26, 2010 5:23 pm من طرف سيف بن ذي يزن

» Q & A
الأربعاء مايو 26, 2010 5:10 pm من طرف سيف بن ذي يزن

» مني مثل ومنك مثل..
الأربعاء مايو 26, 2010 4:53 pm من طرف سيف بن ذي يزن

» لنبق متألقين دوماً
الثلاثاء مايو 25, 2010 10:50 am من طرف غسان أبوراس

المتواجدون الآن ؟

ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر :: 1 روبوت الفهرسة في محركات البحث

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 125 بتاريخ الثلاثاء يناير 02, 2018 11:59 pm


    اخراج ... ابو عجاج

    شاطر
    avatar
    الباشان
    Admin

    عدد المساهمات : 368
    نقاط : 658
    تاريخ التسجيل : 08/10/2009

    اخراج ... ابو عجاج

    مُساهمة من طرف الباشان في الأربعاء مايو 12, 2010 11:41 pm


    تربع أبو عجاج على الطواطي ورفع حرامه الأحمر من الجهتين واخذ يضع قليلا من التبغ العربي في ورقة ثم مررها على لسانه وقضم من أطرافها قليلا وأدار وجهه يسارا و: بف .. بف لافظاً بقايا الورق والتبغ ثم اخرج قداحة فتايل من جيب معطفه الرمادي الأثري الذي اشتراه من البالي التي فتحها أبو غازي اولة

    العام ...أشعل سيجارته واخذ منها نفسا احرق نصفها تقريبا... تلمس أبو عجاج شاربه المائل الى الاصفرار الذي خلفه النيكوتين وحتى أصابعه قد صبغت بهذا اللون .وكأنه صدأ..
    نظر إلى المتواجدين في المضافة ومعظمهم من الشباب لان أبو عجاج لم يستلم الجوهرة حتى الآن فهو لا يعترف بهذا البروتوكول ولن يستغني عن سيجارته أبداً ومعظم أبناء جيله قد استلموا وابتعدوا عنه تدريجيا فاختار شلة من الشباب يحترمون سنه ويستمتعون بأحاديثه ... يا ترى
    ماذا سيقول لنا الليلة إلى أين سيذهب بنا بخياله الرحب وقصصه ومغامراته التي لا تنتهي... استهل أبو عجاج حديثه قائلا:
    والله يا غانمين إلي ما شافها ما شاف نسوان سبحان إلي خلقها ما خلق مثليها
    شو بدكم بطولة السيرة مبارح وصلنالها ورح سمعكم شو قلت فيها:

    مجقتني مبارح مجقة
    وعملتلي براسي عجقة
    طعم شفافا حر الجمر
    تركوا شفافي محترقة
    @@@
    مجقتها خلتنــي فيــــق
    اشرب بوستها عالريـق
    فضّي بريق وعبّي بريق
    واسرق مجقاتا سرقة
    @@@
    اسرق من خدا دروبي
    ومن شفتها المقلوبي
    اخذ للضغط حبوبي
    واعمل من ريقا لزقة
    @@@
    اعمل من ريقا شنيني
    وخض وعبي القنيني
    وزبدتها تحرق ديني
    ذوب وتمسحني بخرقة
    @@@
    ذوب وتمسحني بضمي
    واخذ من عنقا شمي
    تخلي عروقي ملتمي
    وتنسى ايام الفرقة
    @@@
    تنسى ايام الظلام
    البوسة كانت بالاحلام
    نتمنى ترمي السلام
    او حتى تبزق بزقة
    @@@
    وسلامتكم
    ابو عجاج شخصية خيالية لا تمت للواقع بصلة


    _________________________________________________
    إنك لا ترى سوى ظلك وأنت تدير ظهرك للشمس
    avatar
    بلقيس
    عضو نشيط
    عضو نشيط

    اسمي العربي : بلقيس
    عدد المساهمات : 94
    نقاط : 143
    تاريخ التسجيل : 13/03/2010
    العمر : 55

    رد: اخراج ... ابو عجاج

    مُساهمة من طرف بلقيس في الخميس مايو 13, 2010 10:49 am


    اخ جهاد
    جميل ان ترافقك ذاكرة الوطن اينما حللت
    لم تزدنا الغربة الا حنينا لتلك الاوقات
    ونحن لانرتقي بالحب الا حين نكتبه
    وقد سبق للحسن بن منصور
    ان اكتشف هذه الحقيقة حين قال

    كتبت ولم اكتب إليك وإنما #### كتبت إلا روحي بغير كتاب
    وذلك أن الروح لافرق بينها #### وبين محبيها بفضل كتاب
    لتكن مفعما بالحب والعطاء دائما
    كل التمنيات بالتوفيق
    سلام
    avatar
    سيف بن ذي يزن
    عضو نشيط
    عضو نشيط

    اسمي العربي : أسامة نوفيق عبيد
    عدد المساهمات : 84
    نقاط : 120
    تاريخ التسجيل : 14/02/2010
    العمر : 49

    رد: اخراج ... ابو عجاج

    مُساهمة من طرف سيف بن ذي يزن في الخميس مايو 13, 2010 3:44 pm

    أستاذ جهاد

    أبو عجاج شخصيّة خيالية !!!
    على مين ؟؟!!

    أهنئك وأهنئ أبو عجاج ؛ والجوهرة مأجله ..
    avatar
    الباشان
    Admin

    عدد المساهمات : 368
    نقاط : 658
    تاريخ التسجيل : 08/10/2009

    رد: اخراج ... ابو عجاج

    مُساهمة من طرف الباشان في الجمعة مايو 14, 2010 10:52 am


    الاخت بلقيس اشكرك على هذه الكلمات
    وهذا المرور الرقيق
    واقول للاخ اسامة
    ابو عجاج هذا غير الي منعرفوا
    وساثبت لك ذلك


    _________________________________________________
    إنك لا ترى سوى ظلك وأنت تدير ظهرك للشمس
    avatar
    الباشان
    Admin

    عدد المساهمات : 368
    نقاط : 658
    تاريخ التسجيل : 08/10/2009

    رد: اخراج ... ابو عجاج

    مُساهمة من طرف الباشان في الجمعة مايو 14, 2010 10:55 am


    تنهد أبو عجاج عندما قال احدهم اليوم كنا معزومين على عرس بذيبين

    ذيبين باريس الصغرى هيك كانوا يسموها أجدادنا,إن أمحلت أمحل الجبل
    وإن غلت بتكفي الجبل, عندها رمى ابو عجاج قشرة البطيخ التي كان قد التهم لبها على عجل وعاد الى الطواطي قائلا الله ريتها دايمة انشالله... واكمل: سيرة وانفتحت ... اشتغلت مرابع بذيبين بسنة السبعة وخمسين وكان سنة المرابع بيوم ويومو بسنة (المرابع هو الشخص الذي يعمل في ارض الاخرين مقابل ربع الغلال وهو يعمل طوال السنة ليأخذ ربع الغلة في اليوم الذي تنتهي به كل اعمال جمع الغلال... اما اذا غاب يوماً واحداً عن العمل فإن كل تعبه وعمله خلال السنة يذهب هباءً فلا يعود له الحق بالمطالبة بربع الغلة ... وهذه العادة اقطاعية توارثها المجتمع من زمن الاقطاع) سنتها يا غانمين اشتغلت كل السنة ببلاش ... منشان تنبسط ست الحسن... كنت اترك الحصيدة وروح لاقيلها على المطخ بس لشوفها واطلع فيها
    ويا ريتها كانت تعبرني....ضاحكاً يقول

    حوا ام الخلايق خلقت من طيـــــــــن
    من ضلع العبد الخارق وآيات الدين
    من عطر الورد العابق حسنا ملموم
    ولمسي من ايد الخالق كان التكوين
    يا ندى الصبح المارق ارجع مهزوم
    وخبر كل الزنابق واهداب العيــــــن
    خبر الحور الشاهق وعنب الكــــروم
    واحكي للرعد البارق وغيوم الليـــن
    خبر الدهر السابق شو شفت اليـــــوم
    عن نور الحسن الشارق بارضك ذيبين
    من شهد العسل الرايق ولون ل نجوم
    ثورة وحرب وبيارق وضرب سكاكين
    عيونا حبال المشانق وقلبي المتهــوم
    شفافا خط ورقايق ورشف فناجيــــن
    شعرا غطا المفارق سايح محشــــوم
    شلال بضهرا عالق يروي النهريـــن
    والخصر اللاوي الحارق زاد ل هموم
    والصدر الكاوي الماشق وكواز التيـن
    رمشا يشعل حرايق بقلبي المحـــروم
    وبداية قصة عاشق من ذاك الحيـــــن
    رسما بوجداني لازق بفكري موشـــوم
    وبعدا عني مش طايق و يا رب تعيــن
    لا ربع الغلة لاحق وسنتي بهاليـــــوم
    اخزي هالحظ الماحق ب هيك سنيـــــن
    وسلامتكم


    _________________________________________________
    إنك لا ترى سوى ظلك وأنت تدير ظهرك للشمس
    avatar
    alham
    مشرفة منتدى حديقة الأدب
    مشرفة منتدى حديقة الأدب

    عدد المساهمات : 511
    نقاط : 875
    تاريخ التسجيل : 10/01/2010
    العمر : 48

    رد: اخراج ... ابو عجاج

    مُساهمة من طرف alham في الجمعة مايو 14, 2010 11:19 pm

    اخ جهاد

    انت دائما تبهرنا بجديدك وبروعه ما تقدم لنا
    ابو عجاج شخصيه محببه لطيفه موجود بواقعنا انسان لوعه الهوى بشبابه وعبر عنه بطريقته ولغته البسيطه المحببه للجميع
    فالحب اعظم مدرسه يتعلم كل عاشق فيها لغه لا تشبهها لغه اخرى
    هكذا تعلمنا اليوم لغه ابو عجاج في وصف لمحبوبته ولحبه الجارف
    شكراا اخ جهاد وكلنا شوق لجديدك
    avatar
    سيف بن ذي يزن
    عضو نشيط
    عضو نشيط

    اسمي العربي : أسامة نوفيق عبيد
    عدد المساهمات : 84
    نقاط : 120
    تاريخ التسجيل : 14/02/2010
    العمر : 49

    رد: اخراج ... ابو عجاج

    مُساهمة من طرف سيف بن ذي يزن في السبت مايو 15, 2010 4:27 pm

    الله حيّوا أبو نجمة
    نرجوك المزيد
    avatar
    الباشان
    Admin

    عدد المساهمات : 368
    نقاط : 658
    تاريخ التسجيل : 08/10/2009

    رد: اخراج ... ابو عجاج

    مُساهمة من طرف الباشان في الثلاثاء مايو 18, 2010 9:24 am



    "قصتنا اليوم رح تضحكوا علينا فيها صارت واني بعدني شب"

    أخرج ابو عجاج جملته هذه مع الكثير من الرذاذ المتدفق من فمه

    وذلك بسبب تركيبته (طقم الاسنان) الجديدة التي لم تثبت بعد في

    فمه وكان المتواجدين ينظرون اليه بشغف ويمسحون وجوههم بين

    الحين والاخر حتى ان احدهم قام وجلس في الزاوية الشمالية

    للمضافة هاربا من الدلف الحاصل... " هالحكي يا شباب بأول

    طلعتي وكان الي صديق بيدعي الفهم ورطني بشغلة ما بعرف عنها

    شي قال شو رايك نسمن عجول منشتري عجول ومنسمن وبعدين

    منبيع ... وافقتو على الفكرة وكان عندي تبان نظفناه وعملناه

    حظيرة

    وصرنا كل يوم نسري مع تجار الحلال ندور على شروة منيحة

    واسمعوا شو صار معنا:


    قصة من قصص الزمان\\\ احكي عنها سمحولي

    كنت بمدرستي كسلان\\\ وعلاماتي خجولي

    واحسن ما تضلك فلتان\\\ شفلك شغلة قالولي

    قلي صديقي الفهمان\\\ تع نسمن لعجولي

    فضينا بوقتا التبان\\\ عملنا باكي مقبولي

    وصرنا نسري يا اخوان\\\ندوّر شروة معقولي

    يومتها كنا بحبران\\\ وشفنا شوفي مهولي

    ثورو وزنو بالاطنان\\\ وعضلاتو مفتولي

    قالوا عالول العنوان\\\ براسي ركبت مقولي

    كل شي زايد بالاوزان\\\ (عالول) القصة محلولي

    بيتعلم هيك الانسان\\\ من مرحلة الطفولي

    عالطاير بلقط كمان\\\ ذكي وما شالله حولي

    وفي مرة بأم الرمان\\\ بقرة منيحة وصفولي

    وت اظهر اني فنان\\\ سألت بصوتي الرجولي

    دخلك عمي هالحيوان \\\ عالول يما عالولي

    طبطب ع ظهري بحنان\\\ وقال بالله رخصولي

    وقلي يمكنك غلطان\\\ هذي سخلي مشلولي

    هذي بقرة يا اتان\\\ بتحلب شي عشر رطولي

    روح قنالك شي سدان\\\ وشي شاكوش ومريولي

    قبل ما يفوت الاوان\\\ وتبقى دقنك مبلولي

    بسنتا مشروعي خسران\\\ خايب عم جر ذيولي

    منختم بذكر الرحمان\\\ وبالصلا عالرسولي

    كل عمرة والها عمدان\\\ وكل مهنة الها اصولي

    وسلامتكم


    _________________________________________________
    إنك لا ترى سوى ظلك وأنت تدير ظهرك للشمس
    avatar
    غسان أبوراس
    المدير العام
    المدير العام

    اسمي العربي : غسان فاضل أبوراس
    عدد المساهمات : 470
    نقاط : 653
    تاريخ التسجيل : 12/12/2009
    العمر : 61
    الموقع : على شاطئ بحر في حضن جبل

    رد: اخراج ... ابو عجاج

    مُساهمة من طرف غسان أبوراس في الثلاثاء مايو 18, 2010 11:14 am


    الله الله يا بو عجاج......ا
    رائعة جهودك يا أستاذ جهاد
    والأروع هو الرقم القياسي بين الفكرة وتطبيقها
    بالأمس وفي ساعة متأخرة كانت هذه القصة مشروعا
    وفي الصباح الباكر كانت تزين صفحات المنتدى وبقصيدة جميلة
    سلمت يداك يا جهاد
    ودمت ودام عطاؤك المهطال
    تقبل تحيتي


    _________________________________________________

    أينما كنا....فنحن أبناء ذلك الوطن الحبيب ... الأشم الذي له شعاف ... وكل جنباته شرف وخلق.
    avatar
    عماد أبو لطيف
    عضو نشيط
    عضو نشيط

    عدد المساهمات : 75
    نقاط : 105
    تاريخ التسجيل : 26/01/2010
    العمر : 54
    الموقع : مدن الملح

    رد: اخراج ... ابو عجاج

    مُساهمة من طرف عماد أبو لطيف في الثلاثاء مايو 18, 2010 11:47 am

    أبو عجاج و خارطة قرية مخزونة في ذاكرة
    الصوخر و الوادي زمان و المطخ و دكانة فارس عقيّل
    و شوية تتن لف و صوت مطحنة وديع صعب و البصوي و العكّوب و قرص العنّا
    و نسوان تسلّق هندبي و دردار و الصيادي بيوم الثلج على الجلَدي
    أبو عجاج و هو يدك اللوكس بالمضافي و يأهل ويسهل باسماعيل الكريدي و بناظم حمد
    و أبو عجاج المرابع أبو شوارب صفر يشهد حقبة زمنية نشتاقها اليوم للصميم
    و هو يتغزل بأنثى يرسمها خياله كل يوم بفستان جديد
    و هي راجعة من البركي و المنشل عكتفها متخصرة بإيدها اليسار
    أبو عجاج ذلك الشاهد على دروب القمح و مواسم الذرة البيضاء
    الرجل الذي عاند الزويتة في حصاد الحنطة و روض الزمالي على البيادر
    و يوم الدراس كان يغني
    يا حمرة لا تدللي جالك دروسك الأولي
    أبو عجاج و يوم الجورعة و منسف اللازاقيات و جمعة حبايب صادقين
    و مهما قلنا عن أبي عجاج يبقى الزمن أكثر شوقا لتشققات جبينه
    و للنيكوتين الساكن بين أصابعه و مفرق شاربيه
    الله أبو عجاج و أيامك الأصيلة
    شكرا جزيلا جدا جهاد على هذه العودة للوراء
    و أنا أشم رائحة طفولتي هناك بين جباب المقثى
    avatar
    غسان أبوراس
    المدير العام
    المدير العام

    اسمي العربي : غسان فاضل أبوراس
    عدد المساهمات : 470
    نقاط : 653
    تاريخ التسجيل : 12/12/2009
    العمر : 61
    الموقع : على شاطئ بحر في حضن جبل

    رد: اخراج ... ابو عجاج

    مُساهمة من طرف غسان أبوراس في الثلاثاء مايو 18, 2010 12:54 pm


    يا بو عجاج ويا فهمـان == صيتك عالسمعة هديــــان
    اسمعني شو بدي قـــول == وأفكارك خليها تجـــــول
    مش شغلك تسمين عجول == ولا تركض ورا العالول
    تصدرلي المضافة عــطول == بفن وموروث ومنقول
    وربـــابـــة وهرجــــة وفنجــــان


    _________________________________________________

    أينما كنا....فنحن أبناء ذلك الوطن الحبيب ... الأشم الذي له شعاف ... وكل جنباته شرف وخلق.

    عفاف
    عضو نشيط
    عضو نشيط

    عدد المساهمات : 83
    نقاط : 148
    تاريخ التسجيل : 27/01/2010
    العمر : 65

    رد: اخراج ... ابو عجاج

    مُساهمة من طرف عفاف في الثلاثاء مايو 18, 2010 8:07 pm

    الله الله اخوتي على هذه المزاجله الرائعه

    اشكركم من صميم القلب على هذه اللهجه التي لم نسمعها منذ زمن بعيد

    عندما قرات تلك الكلمات اخذتني بعيدا وذكرتني بسوالف جدتي

    انها جميله وممتعه شكرا لكم ونتمنى المزيد
    avatar
    سيف بن ذي يزن
    عضو نشيط
    عضو نشيط

    اسمي العربي : أسامة نوفيق عبيد
    عدد المساهمات : 84
    نقاط : 120
    تاريخ التسجيل : 14/02/2010
    العمر : 49

    رد: اخراج ... ابو عجاج

    مُساهمة من طرف سيف بن ذي يزن في الخميس مايو 20, 2010 4:44 pm

    الله الله أبو نجمة جمالٌ فوقه جمال ...
    بالله تميّل على خبريات خيّك أبو أجود غسّان الأطرش
    ثمَّ عرّج على شراء البقرة العميه ...
    ومن بعدها سوق بنا إلى ( حلب ) وإلى شلة ( جرب ) [[ G - R -B ]]
    وإلى ( رفعت ) و ( حسن ) و ( فاضل ) و ( بسّا م ) ولا تنسى ( مرهف )
    avatar
    سيف بن ذي يزن
    عضو نشيط
    عضو نشيط

    اسمي العربي : أسامة نوفيق عبيد
    عدد المساهمات : 84
    نقاط : 120
    تاريخ التسجيل : 14/02/2010
    العمر : 49

    رد: اخراج ... ابو عجاج

    مُساهمة من طرف سيف بن ذي يزن في الأربعاء مايو 26, 2010 5:23 pm


    أبــــــو عجــــــــــاج والاستعمار الفرنسي

    أبو عجاج و على عادته تسلَّق طواطي المضافة و انجعص على المخدَّة إلى يساره ثمَّ وجَّه كلامه إلى المعزِّب قائلاً يا معزب الرحمن بدنا مُخد !!)
    نظر المعزب طلال رامقاً جلسة أبو عجاج قائلاً : (على يمينك يا بو عجاج) !!
    أجاب أبو عجاج: ( ما بتكفي مركاي تلاث مُخد استعجلنا فيهن و تعال سماع..)
    عجل طلال في مشيته إلى زاوية المضافة جالباً أربعة مخد إثنتان لأبو عجاج و إثنتان لأبو سعيد الذي كان يهم بالإنبطاح إلى جانب أبو عجاج
    ما أن وضع طلال المخد حتى بادره للقول : ( قوِّيلنا بابور هالجلِّة تنجل عن هالطاري)
    كانت ليلة كانونية قارسة تستحق دفئاً أكثر
    عاد طلال إلى وسط المضافة تناول بملقط الحديد طبوع جلِّه و رماه إلى داخل البابور ثمَّ أخذ قطعتين من الجزل و أخذ يدحشها دحشاً فاستعرت النار بعد إضرامها بهم جميعاً ثم وجه كلامه إلى الحضور الملتف في صحن المضافة قائلاً : ( بحطلكن ريحه .)!!
    أجاب أبو رياح : (و منين إيلك الكالونيا )؟؟!!
    ( فهمتني غلط خي أبو رياح مش قصدي كالونيا قصدي بدي حط شويَّة خشب سرو بهل البابور جبلي إياهن منصور إبني من السويدا )
    (حُط حُط ) أجاب جمهور الحضور
    مرَّت دقائق قبل أن يبدأ أبو عجاج الكلام و الجميع ينظرون إليه صامتين و نظراتهم تقول له سراً هيا إبدأ ماذا هناك
    أمسك أبو عجاج بفروته التي كانت إلى جانبه ملتفة حول قطعة غير معروف ما هي و استل من بين صوفها بارود ألمانية قصيرة علا حديدها الصدأ و بدأ بالحديث
    ( بهل البارودة وحياتكن خمسطعشر عسكري فرنساوي قتلت ) بلا مقدمات إنذهل الجمهور من هذا النبأ !!؟؟
    و أجابوه: (قر .... خمسطعش ؟!......مش كثير يا بو عجاج !! عديتهم صحيح ؟!! لتكون مغلبط ؟!)
    ( و حيات عيونكم ما بينقصوا واحد بهل المحروسة واحد ورا الثاني )
    ثمَّ استفاض أبو عجاج بذكر بطولاته الخارقة و كيف كان يرديهم قنصاً تارة ؛ و قتال شوارع تارة أخرى و" دكشاً " تارة ثالثة
    أخذت التماسيح تطير سابحة في مضافة أبو منصور طلال حتى أنَّها أصبحت تصطدم ببعضها البعض لفرط كثرتها
    ما أن هدأت العاصفة و عادت و إستقرَّت التماسيح في مخابئها و إنقشع غبار معارك أبو عجاج حتى قام أبو شبلي و استلم ناصية الحديث موجه كلامه إلى الحضور قائلاً :
    ( سمعتوا آخر الأخبار بإذاعة مونتي كارلوا يلي بتبث من فرنسا )
    أجاب قسم من الحضور بصوت مستفسرٍ واحد: ( شو هي !!؟؟ شو هل الأخبار )
    عدَّل أبو شبلي من جلسته و قال بخبث : ( بتقول الإذاعة إنو معارك الثورة صورتها على الفيديو ) !!!
    أجاب أبو حسن : ( على الفيديو كيف يعني )
    أجابه أبو شبلي :
    ( إيه على الفيديو..!! بتقول الإذاعة إنوا الفرنساوية كانوا مركبين على كل طيارة كاميرة فيديو عم بتصور كل شي؛ المعارك و الأحداث من الجو ؛ و بتقول عن فرنسا إنها بعد ما خلصت الحرب بدها تبعث بفرقة عساكر مختفيين ما حدا بيعرفهن ، مع كل واحد مسدس أو بارودة و كل مين قتل عسكري فرنسي صورتوا معروفي عندهن لأنو كاميرا الفيديو مصورتوا و بدها تقتلوا من شان تستد ؟!!)
    نظر أبو عجاج إلى أبو شبلي و قد احمرَّت عيناه و جحضتا حتى أنهما كادتا تخرجان من مآقيهما وصرخ قائلاً : ( شو عم يتقول ؟!)
    أجاب أبو شبلي بخبث أكثر يلي سمعتوا) !!
    فما كان من أبو عجاج إلى أن استل بندقيته من جديد و ضرب أخمصها في أرض المضافة قائلاً :
    ((الحمد لله راحت مدكوكة و رجعت مدكوكة !!!؟؟؟ و صــــف الخرطوش مثل ما هوي راح رجع ))!!؟؟

    أخي الباشان أبو عجاجي غير أبو عجاجك !!تقبّل "" مناحرتي ""


    عدل سابقا من قبل غسان أبوراس في السبت يونيو 12, 2010 7:28 am عدل 4 مرات (السبب : تغيير حجم الخط)

      الوقت/التاريخ الآن هو الأربعاء نوفمبر 21, 2018 12:51 pm