بقلم جولاني

عِيْشي حرَّه يا بلادي
وغَنِّي لاجل الحريِّه
أَنا بلادي صف العَسْكَر
ويا بَحْرِيِّه
أَنا بلادي بَسْمِة أَطفال وْغِنِّيّه
بلادي يا حلْوِه
إنْتي نحنا ونحنا إنْتي
فِينا الرُّوح الثَّوْرِيِّه وْمِنَّا الثَّوْرَه الشَّعْبِيِّه
كرُوْمِكْ يَا بْلادي
تْغَنِّيْ لْعَنْقُوْد
بْيِعْصُرْ خَمْر جْهادِكْ وْبِيْجُوْد
بْجَوِّكْ يَا بْلاديْ
تْغَنَّى الحَسُّوْن
الحِرِّيِّه... الحِرِّيِّه وَيْن تْكُوْن
تْنَهَّدْ فَلاَّحِك وْقَال بِتْهُوْن...
بِتْهُوْن الرُّوْح اطَّمَّنْ يَا حَسُّوْن
رُوْح خَبِّرْ أَهْلِي وْقلْهُن
أَنا لَبْلادي مَرْهُوْن
أَنا لَبْلادي مَنْذُوْر!!!...
رُوْحْ يَا حَسُّوْن
وْلِفْ وْدُوْر
وْهَدِّيْ عَ السِّندياني
وْزَقْزِقْ لَلْفَجْر يَلِّي
بِطْلُوْعو بِيْعاني
وْرُوْحْ يَا حَسُّوْن وْطِيْر
وْهَدِّيْ عَ شِبَّاك الزِّنْزاني
وْسَلِّمْ عَ السَّجين وْقلُّو
عَ دَرْبَكْ راح نِمْشي ثَاني
ضِدْ الغَزْو العِدْواني
وْطِيْر يَا حَسُّوْن
وْزُوْر قَبْر الشَّهيد
وْزِيْد السَّلام عَ رُوحُه وْعِيْد
الشَّهادي فِيْنا أَقْرَبْ
مِنْ حَبْل الوَرِيْد
وْحُبْها عَمْ يِكْبَرْ فِيْنا وِيْزِيد
وْطِيْر يَا حَسُّوْن
فوْق هَضْبِتْنا الأبِيِّه
وْقُوْل بْفَخْرِ الصُّوْت:
الجَّوْلان عَرَبِيِّه
الجَّوْلان سُوْرِيِّه
الجَّوْلان سُوْرِيَّه !...

انتم في القلب 00000
وروحي معك ياجولان 00
العين تنطرك 000والقلب معك00
بندقيتي 0000معي
وانا معكم على الطريق
راجعون يا جولان
راجعون ياجولان



تحية لك الهام